ညစ်ပတ်နေတဲ့ ရေခဲသေတ္တာတစ်လုံးကို အလွယ်ကူဆုံးသန့်ရှင်းနည်း

Updated 8th Jan 2019

Written by

Thutasone, Shweproperty

ရေခဲသေတ္တာတွေဆိုတာ အမြဲလိုလိုညစ်ပတ်နေလေ့ရှိတဲ့အရာတွေပါ ။အဓိက ညစ်ပတ်ရခြင်းအကြောင်းကတော့ မှိုစွဲခြင်းကြောင့်ပါပဲ ။ရေခဲသေတ္တာဆိုတာဟာ အမြဲတမ်းစိုစွတ်နေတဲ့နေရာဖြစ်တဲ့အတွက် မှိုတွေနဲ့ဘတ်တီးရီးယားတွေပေါက်ပွားရာနေရာတစ်ခုလည်းဖြစ်ပါတယ် ။

ဒီဘတ်တီးရီးယားနဲ့မှိုတွေဟာ အထဲမှာထားတဲ့ သစ်သီးသစ်ရွက်တွေကို ကူးစက်သွားခဲ့ရင်တော့ သင့်အတွက်ပြဿနာရှိလာပါပြီ ။မှိုတက်နေတဲ့ အစားအသောက်တွေကို စားသုံးမယ်ဆိုရင်တော့ သင့်ကျန်းမာရေးထိခိုက်မှာအမှန်ပါပဲ ။

အခုပြောပြမယ့် နည်းလမ်းလေးကို သုံးလိုက်ရင်တော့အချိန်မကုန်ပဲ ရေခဲသေတ္တာထဲက မှိုတွေကိုအလွယ်ကူဆုံးရှင်းလင်းနိုင်ပါလိမ့်မယ် ။သင်လိုအပ်မယ့်အရာတစ်ခုကတော့ သံပုရာသီးပါပဲ ။သံပုရာသီးကို ထက်ခြမ်းခွဲပြီး ခွက်တစ်လုံးထဲအရည်ညှစ်ထည့်ကာ ရေအနည်းငယ်ရောထည့်ပြီး ခွက်ထဲကို သံပရာခွံ အနည်းငယ်ထည့်ပြီးနောက် အပူချိန် 700W မှာ ၃ မိနစ်လောက်အပူပေးပါ။ပြီးရင် အပူပေးထားတဲ့ခွက် (ပူနေဆဲ) ကို ရေခဲသေတ္တာထဲ နာရီဝက်လောက်ထည့်ထားပေးပါ ။

နာရီဝက်ကြာတဲ့အခါ အဝတ်တစ်ခုနဲ့မှိုတွေကို သန့်ရှင်းပေးမယ်ဆိုရင် အလွယ်တကူ သန့်ရှင်းလို့ရတာကို တွေ့ရပါလိမ့်မယ် ။ထို့အပြင် သင့်ရဲ့ရေခဲသေတ္တာလေးဟာ အသီးအရွက် အနံ့တွေနံမနေတော့ပဲ သံပုရာရနံ့လေးသင်းနေပါလိမ့်မယ် ။

Ref : Thutasone

Photo Credit : Tribunnews

Posted By : Sint Sint (ShweProperty.com)

Recommended

Get daily fresh news delivered to your inbox

By subscibing you agree to our privacy policy