အဖြူရောင် ရှပ်အင်္ကျီပေါ်က အဝါရောင် ချွေးကွက်တွေကို ပျောက်စေချင်ရင်

Updated 21st Feb 2019

Written by

Popsugar, Shweproperty

ကိုယ့်အကြိုက်ဆုံး အကျၤီတွေရဲ့ ချိုင်းနဲ့ လည်ပင်းနေရာတွေမှာ မပျက်နိုင်တဲ့ အဝါရောင် ချွေးကွက်တွေ ရှိနေရင် သဘာဝပစ္စည်းတွေ အသုံံးပြုပြီး ဖြေရှင်းလို့ရပါတယ်။ လိုအပ်မယ့် အရာတွေကတော့-

(၁)ရှာလကာရည် လက်ဖက်ရည် ခွက်တစ်ခွက်စာ

(၂)မုန့်ဖုန်ဆော်ဒါ လက်ဖက်ရည်ခွက် တစ်ဝက်စာ

(၃)ဆား စားပွဲတင်ဇွန်းတစ်ဇွန်းစာ

(၄)ဟိုက်ဒရိုဂျင် ပါအောက်ဆိုဒ် စားပွဲတင်ဇွန်း တစ်ဇွန်းစာ တို့ပဲ ဖြစ်ပါတယ်။

ပြုလုပ်နည်း

အဆင့် (၁)လူအများစုက အကျီၤပေါ်က အဝါရောင်အကွက်တွေက ချွေးကြောင့် ဖြစ်တယ်လို့ထင်ကြပေမဲ့ အမှန်က ချွေးနံ့ပျောက်ဆေးမှာပါတဲ့ အလူမီနီယံနဲ့ ခန္ဓာကိုယ်ကထွက်တဲ့ ဓာတုပစ္စည်းတွေ ဓာတ်ပြုတဲ့အတွက် ဖြစ်လာတာပါ။ ဒီအစွန်းတွေ ပျောက်စေဖို့အတွက် ရှာလကာရည်တစ်ခွက်နဲ့ ရေနွေးနှစ်ခွက်ကို ရောပြီး အကျၤီကို မိနစ်နှစ်ဆယ်လောက် စိမ်ထားပါ။

အဆင့် (၂)မုန့်ဖုတ်ဆော်ဒါ ၊ဆားနဲ့ ဟိုက်ဒရိုဂျင် ပါအောက်ဆိုဒ်ကို ရောပြီး အနှစ်ပုံစံဖြစ်အောင်လုပ်ထားပါ။ ဟိုက်ဒရိုဂျင် ပါအောက်ဆိုဒ်က သဘာ၀ ဖြူဖွေးစေတဲ့ ပစ္စည်းဖြစ်ပြီး ဆားနဲ့ မုန့်ဖုတ်ဆော်ဒါက အစွန်းကျွတ်စေပါတယ်။ အကျၤီကို ရှာလကာရည်ထဲကယူပြီး ဖြေးဖြေးလေး ညှစ်လိုက်ပါ။ပြီးရင် အစွန်းတွေရှိနေတဲ့ နေရာကို ဟိုက်ဒရိုဂျင် ပါအောက်ဆိုဒ် အနှစ်လိမ်းပြီး မိနစ် ၂၀ လောက်ထားပါ။

အဆင့် (၃)ပြီးရင် ရေနဲ့ လျှော်ချလိုက်တဲ့အခါ အစွန်းအထင်း လုံးဝကင်းစင်တဲ့ ဖြူဖွေးနေတဲ့ အကျၤီတစ်ထည်ကို ရရှိမှာဖြစ်ပါတယ်။ ဒီနည်းကို အသုံးပြုလိုက်ပြီးရင် လူအများကြားထဲမှာ ချိုင်းချွေးကွက်တွေပေါ်မှာ စိုးရိမ်စရာမလိုတော့ဘဲ ပွင့်ပွင့်လင်းလင်း လက်မြှောက်နိုင်ပြီ ဖြစ်ပါတယ်။

Ref : popsugar

Photo Credit : Social

Posted By : Wai Phyoe

Recommended

Get daily fresh news delivered to your inbox

By subscibing you agree to our privacy policy