ရွှေထည်ပစ္စည်းတွေ အရောင်တက်လာအောင် အိမ်မှာပဲဆေးနည်း

Updated 30th Jun 2018

Written by

Shwe La Young, Shweproperty

သွားတိုက်ဆေးနဲ့ မဆေးရဘူးနော်။ အရောင်ကျသွားလိမ့်မယ်။

ရွှေဆိုတာ အဖိုးတန်ပါတယ်။ အမြတ်တနိုးနဲ့လည်း ဝတ်ဆင်ကြတယ်၊ စုဆောင်းသိမ်းဆည်းကြတယ်။ ဝတ်တာများလာတဲ့အခါ ရွှေထည်တွေက အရောင်မှိန်သွားရော။ ဆိုင်သွားပြီး ဆေးခိုင်းမှ ပြန်ဝင်းလက်လာတယ်လေ။

ဆိုင်မသွားချင်ဘူးဆိုရင် အိမ်မှာပဲ ရွှေထည်တွေ သန့်စင်ဆေးကြောလို့ ရပါတယ်။ လွယ်လွယ်လေး။ ဘာမှမခက်ဘူး။ မဒီပြောပြမယ်။

ပျိုမေတို့ ဓာတ်ပုံရိုက်ရင် ပိုပြီး ရုပ်ထွက်ကောင်းစေဖို့: ပျိုမေတို့ ဓာတ်ပုံရိုက်ရင် ပိုပြီး ရုပ်ထွက်ကောင်းစေဖို့ပျိုမေတို့ ဓာတ်ပုံရိုက်ရင် ပိုပြီး ရုပ်ထွက်ကောင်းစေဖို့ပျိုမေတို့ ဓာတ်ပုံရိုက်ရင် ပိုပြီး ရုပ်ထွက်ကောင်းစေဖို့

ရေနွေးထဲကို ပန်းကန်ဆေးဆပ်ပြာဆီ အနည်းငယ်ထည့်ပါ။ ဆေးမယ့် ရွှေထည်ကို ဆပ်ပြာရည်ထဲ ၁၅ မိနစ် စိမ်ပေးထားလိုက်ရပါမယ်။ ၁၅ မိနစ်ပြည့်တော့မှ သွားတိုက်တံအနုလေးနဲ့ ဖြည်းဖြည်းချင်း ပွတ်တိုက်သန့်စင်ပေးပါ။

ရေကို နွေးအောင်ထားထားပြီး ဘုံဘိုင်ခေါင်းအောက်မှာ ရွှေထည်ကို ပြန်ဆေးပေးရပါမယ်။ ရေထဲမစိမ်ပါနဲ့။ ကပ်နေတဲ့ ကြေးတွေ ရေနဲ့အတူ မျောသွားအောင် ဘုံဘိုင်ခေါင်းကိုဖွင့်ထားရတာဖြစ်ပါတယ်။ ဇကာထဲကို ရွှေထည်ပစ္စည်းထည့်ပြီးဆေးရင် ပြုတ်မကျတော့ဘူးပေါ့။

ဆပ်ပြာရည်တွေနဲ့ ကြေး(ဂျီး)တွေ ပြောင်စင်သွားပြီဆိုတော့မှ နူးညံ့တဲ့အဝတ်ခြောက်လေးနဲ့ အသာအယာ ပွတ်တိုက်ပြီး ရေတွေခြောက်သွားလိုက် လုပ်လိုက်ရမှာ ဖြစ်ပါတယ်။ ဒါဆိုရင် ဆိုင်ကို တကူးတကသွားစရာမလိုဘဲနဲ့ ရွှေထည်ပစ္စည်းလေးက ဝယ်ခါစတုန်းကလို အရောင်ပြန်တက်လာတာကို တွေ့ရမှာဖြစ်ပါတယ်။

Ref & Photo Credit : Shwe La Young

Posted By : Sint Sint (ShweProperty.com)

Recommended

Get daily fresh news delivered to your inbox

By subscibing you agree to our privacy policy