Property Titles

Living Style and Home Services

အစွန်းအထင်းများကို တာ့တာပြဖို့အတွက် နည်းလမ်းကောင်းလေးများ

Updated 14th Feb 2019

Written by

Xyznews, Shweproperty

ကျွန်တော်တို့နှစ်သက်သော ကော်ဖီၤ၊ချောကလက်၊ဝိုင်စတာတွေ အဝတ်အထည်များပေါ် ဖိတ်စင်ပါက အရောင်များစွန်းထင်းစေတာမို့ စိတ်ပျက်စရာကောင်းလှပါတယ်။ချွေးထွက်များသောသူများအနေနဲ့လည်း ချိူင်းအောက်မှာ အဝါကွက်များစွန်းပေတတ်တာမို့ လူကြားထဲအရှက်ရစရာကောင်းပါတယ်။ဒါပေမယ့် ဒီပြသနာကို ဖြေရှင်းပေးမယ့်နည်းလမ်းကောင်းလေးတွေကို တွေ့ရှိထားတာမို့ စိတ်မပူနဲ့နော်

(၁)ချိူင်းအောက်ကအဝါကွက်များအတွက်

-မုန့်ဖုတ်ဆိုဒါ ခွက်တစ်ဝက်ခန့်

-ဆား ဇွန်းသေး၁ဇွန်း

-ဟိုက်ဒရိုဂျင်ပါအောက်ဆိုက် ဇွန်းသေး၁ဇွန်း

-ရှပ်အကျီကို ဇလုံတစ်ခုတွင်ထည့်ပါ။ထိုဇလုံထဲတွင် ရေနွေး၂ခွက်နဲ့ ဗီနီဂါတစ်ခွက်ကို ထည့်ပြီး စိမ်ထားပါ။ နောက်ထပ်ဇလုံတစ်ခုမှာတော့ ဆား၊မုန့်ဖုတ်ဆိုဒါ၊ဟိုက်ဒရိုဂျင်ပါအောက်ဆိုက်တို့ကို အနှစ်ရအောင်ဖျော်ထားပါ။ထို့နောက် ဗီနီဂါစိမ်ထားသော ရှပ်ကိုယူကာ အစွန်းပေနေသောနေရာပေါ်တွင် ခုနကဖျော်ထားသောအရောကိုသုတ်ပေးပါ။၂၅မိနစ်ထားပါ။ထို့နောက်ရေဖြင့် ပုံမှန်အတိုင်း လျှော်ဖွပ်ပေးလို့ရပါပြီ။

(၂)ခေါင်းအုံးပေါ်က အဝါကွက်များအတွက်

-အဝတ်လျှော်ဆပ်ပြာမှုန့်တစ်ထုပ်

-အစွန်းချွတ်ဆေးတစ်ထုပ်

-ဆိုဒီယမ်ဘိုရစ်အက်ဆစ် အနည်းငယ်

-သင့်ခေါင်းအုံးကို ထိုအရည်ဖြင့်စိမ်ပြီးလျှော်ဖွပ်ပေးပါ။ရေကြက်သီးနွေးဖြင့်လျှော်ပါက ပိုအကျိူးရှိစေမှာဖြစ်ပါတယ်။

(၃)ဆီကွက်များအတွက်

-စက္ကူလိပ်

-ဘေဘီပေါင်ဒါ

-ပန်းကန်ဆေးဆပ်ပြာ

-ရေ

ပထမဆုံး အဆီကွက်များကို စကူဖြင့်သုတ်ပါ။ ဘေဘီပေါင်ဒါကို အစွန်းကွက်ပေါ်တွင်ဖြူးပေးပါ။အဆီစုတ်ယူစေဖို့တစ်နာရီလောက်စောင့်ပါ။ထို့နောက် ပေါင်ဒါများကိုဖယ်ပြီး ရေနဲ့ ပန်းကန်ဆေးဆပ်ပြာဖြင့် ပွတ်လျှော်ပါ။

(၄)ဝိုင်စွန်းပေခြင်းအတွက်

-ရေနွေးပူပူ

-ဆားအနည်းငယ်

-မုန့်ဖုတ်ဆိုဒါ

-အဝတ်စတစ်စ

ဝိုင်အစွန်းက အလွန်ချွတ်ရခက်တာအမှန်ပါ။ ပထမဆုံး စွန်းနေတဲ့ဝိုင်ကွက်က လက်ကျန်ဝိုင်များကို ညှစ်ပစ်ပါ။ပွတ်တိုက်ခြင်းအားဖြင့် အကွက်ကိုပိုကြီးစေတာမို့ မပြုလုပ်သင့်ဘူးနော်။ထို့နောက် အစွန်းကွက်ပေါ်သို့ရေနွေးပူကိုလောင်းချပါ။ရေနွေးက ဝိုင်မော်လီကျူးများကို ပြိုကွဲစေပါလိမ့်မယ်။ထို့နောက် မုန်ဖုတ်ဆိုဒါနဲ့ဆားအရောအနှောကို အစွန်းကွက်ပေါ်တွင်သုတ်ပြီး တစ်ညထားပါ။နောက်တနေ့တွင် ပုံမှန်အတိုင်း လျှော်ဖွပ်နိုင်ပါပြီ။အစွန်းကျန်သေးပါက အထက်ပါအတိုင်းနောက်တကြိမ်ပြုလုပ်ပါ။

(၅)နှုတ်ခမ်းနီစွန်းပေခြင်းအတွက်

-ဆံပင်ဖျန်းသောစပရေး

-ရေစိုဝတ်တစ်စ

-အစွန်းကွက်ပေါ်သို့ hair စပရေးကို နိုင်နိုင်ဖျန်းပေးပါ။ထို့နောက် ၁၀မိနစ်ထားပြီး ရေစိုဝတ်ဖြင့် ဖိပွတ်ပေးပါ။ပြီးရင်တော့ ပုံမှန်အဝတ်လျှော်သလို လျှော်ပေးနိုင်ပါပြီ။

(၆)ကော်ဖီစွန်းပေခြင်းအတွက်

-ရေခဲရေ

-ပန်းကန်ဆေးဆပ်ပြာရည်

-ကော်ဖီအစွန်းကွက်ပေါ်သို့ရေခဲရည်ဖြင့်လောင်းချပေးပါ။ အစွန်းကျန်သေးပါက ပန်းကန်ဆေးဆပ်ပြာနဲ့ရေခဲရည်ကိုရောစပ်ကာ အစွန်းကွက်ပေါ်တွင် ဖိပွတ်ပေးပါ။တစ်နာရီလောက်နားပြီး အစွန်းကုန်သည်အထိ ထပ်ခါပွတ်လျော်နိုင်ပါတယ်။

(၇)မှင်စွန်းပေခြင်းအတွက်

-ဆံပင်စပရေး

-အဝတ်စတစ်ခု

အိမ်မှာ hair စပရေးမရှိရင်တော့ အမြန်ဝယ်ထားသင့်တယ်နော်။ မှင်ကွက်ပေါ်သို့ ဆံပင်စပရေးကို နိုင်နိုင်ဖျန်းပါ။၁၀မိနစ်ထားပြီးနောက် အဝတ်စဖြင့်ပြန်လည်သုတ်ပြိး ဆပ်ပြာဖြင့်လျှော်ဖွပ်ပါ.

(၈)ချောကလက်စွန်းပေခြင်းအတွက်

-ဓားတစ်ချောင်း

-နို့

-ရေခဲရေ

-ဆပ်ပြာရည်

-ချောကလက်အနှစ်များကို ဓားဖြင့်ခြစ်ထုတ်လိုက်ပါ။ထို့နောက် အစွန်းကွက်ပေါ်သို့ နို့ကိုလောင်းပြီး ၅မိနစ်ထားပါ။အစွန်းကွက်ကိုရေခဲရေဖြင့်လောင်းပြီး လက်သည်းဖြင့်ခြစ်ပေးပါ။နောက်ဆုံးမှာတော့ ဆပ်ပြာရည်ဖြင့်လျှော်ဖွပ်ပါ။

(၉)မိတ်ကပ်ဖောင်ဒေးရှင်းများစွန်းခြင်းအတွက်

-ဂွမ်းစအနည်းငယ်

-အရက်ပြန်

-ဂွမ်းစများကို အရက်ပြန်တွင်နှစ်ပါ။ထို့နောက် အစွန်းကွက်ပျောက်သည်အထိ ဖိပွတ်ပေးပါ။

(၁၀)သွေးကွက်များအတွက်

-ရေခဲရေ

-ဆားအနည်းငယ်

-ဟိုက်ဒရိုဂျင်ပါအောက်ဆိုက်

-ဆားနဲ့ရေကို ဇလုံတစ်ခုတွင်ရောပါ။ထိုဇလုံတွင် သွေးစွန်းသောအဝတ်ကို ၁၀မိနစ်စိမ်ပါ။ထို့နောက် ဟိုက်ဒရိုဂျင်ပါအောက်ဆိုက်ကို အစွန်းကွက်ပေါ်တွင် ဖိပွတ်ပါ။၅မိနစ်ကြာမှ ဆပ်ပြာဖြင့်လျှော်ပါ။

Ref & Photo Credit : Xyznews

Posted By : Sint Sint (ShweProperty.com)

Recommended

Get daily fresh news delivered to your inbox

By subscibing you agree to our privacy policy