ရေခဲသေတ္တာစနစ်တကျ အသုံးပြုနည်း

Updated 26th Sep 2020

Written by

Sint Sint, Shweproperty

ကိုဗစ်ရောဂါပြန့်ပွားနေတဲ့ ဒီလိုချိန်မှာနေ့စဉ်စျေးဝယ်ဖို့ခက်ခဲတဲ့ အိမ်ရှင်မတို့အတွက် နိုင်ကနည်းလမ်းကောင်းလေးတွေ မျှဝေပေးမယ်နော်။

ချစ်တို့ရေ ဒီနေ့တော့ အသီးရွက်တွေကို အထားခံအောင်လုပ်နည်းလေးတွေ ပြောပြပေးသွားမယ်နော် ။

အချို့သောအသီးရွက် တွေကတော့ အရမ်းနုတဲ့အတွက် နိုင်ကတော့စျေးတစ်ပါတ်စာဝယ်ရင် အထားမခံတဲ့အရွက် တွေကို ပထမ၃ရက်မှာချက်ပီး အထားခံတာလေးတွေကို နောက်ရက်တွေထဲမှာချက်ပါတယ်။

ဒီနေ့ ပြောင်းဖူး ၊ ပန်းဂေါ်ဖီစိမ်းနဲ့ ချဉ်ပေါင်ရွက် သိမ်းနည်းလေးပြောပြပေးပါ့မယ်။ပန်းဂေါ်ဖီစိမ်းတွေဝယ် လာပီး ၃/၄ ရက်အပြင် ပိုမခံလို့စိတ်ညစ်နေပီလား ။ ဆားလေးနဲ့ဆေးပီး အနေတော်အတုံးလေးတွေဖြတ် ၊ ရေနွေးဆူဆူထဲ ၃မိနစ်လောက်ပြုတ်ပီးရေခဲရေထဲချက်ချင်း ပြန်စိမ်လိုက်ပါနော် ။ ဒါမှအရောင်မပြောင်းတဲ့ ပန်းစိမ်းလေးရမှာပါ။ ပီးရင်တော့ ရေစစ်ပြီးရေခဲသေတ္တာအခဲခန်းထဲသိမ်းနိုင်ပါပီ။

ပြောင်းဖူးကတော့ အပေါ်ကအခွံတွေမခွာပဲပြုတ်တာကို နိုင်ကပိုကြိုက်ပါတယ်။ ပြုတ်ပီးမှအခွံနွှာ ပီးရေခဲရေထဲစိမ်ပေးပါနော် ။အေးသွားပီဆိုရင် ဓါးလေးနဲ့ လှီး ချပီး ပြောင်းဖူးစေ့လေးတွေအိပ်ထဲ၊ဘူးထဲထည့်သိမ်းနိုင်ပါပီ။ ကြော်ပဲစားစား ရေနွေးလေးဖျောပြီး သုပ်ပဲစားစား အဆင်သင့်ပဲပေါ့။

နိုင်ကတော့ မနက်ပိုင်းထမင်းကြော်ဖို့ဆိုရင် ပြောင်းဖူးစေ့လေးရယ်ဥနီသေးသေးလှီးထားတာရယ် ပဲစိမ်းလေးရယ် ရောပီး တစ်အိပ်သီးသန့်သိမ်းပါတယ်။

ကဲ ချဉ်ပေါင်ရွက်ကိုတော့ ဝယ်ပီးအအေးခန်းထဲထားရင်ရိကုန်လို့စိတ်ညစ်ရမှာပါ။ ဒီတော့ ချဉ်ပေါင်ရွက်လေးကိုချွေ ရေစင်အောင်ဆေး ။ ဆီသတ်ပြီး ချဉ်ပေါင်ရွက်လေးကိုလှိမ့်လိုက် ။ရေကုန်ပီး ခြောက်ခြောက်လေးဖြစ်လာပီဆိုရင် အိုးချပီး အအေးခံထားရပါမယ် ။

အေးပြီဆိုမှသိမ်းမယ့် ဘူး ထဲထည့်ပီး ခဲထားနိုင်ပါပီ။ စားချင်တဲ့ချိန်မှ ချဉ်ဟင်းပဲချက်ချက် မျှစ်လေးပုဇွန်လေးနဲ့ကြော်ကြော် မချက်ခင်တစ်နာရီလောက်အပြင်ထုတ်ထားရုံပါပဲ။ဝမ်းသာစရာကောင်းတာက frozen လုပ်ထားတဲ့ ဒီအသီးရွက်ဟာ၆လ အထိအထားခံတာပါပဲ ။ (မီးတော့မှန်ဖို့လိုတာပေါ့)

သိပြီးသားချစ်မမတွေလည်းရှိပေမယ့်မသိသေးတဲ့ အိမ်ရှင်မလက်သစ်လေးတွေ ၊ကိုဗစ်နဲ့မှ ပျင်းပျင်းနဲ့မီးဖိုချောင်ထဲရောက်လာသူတွေအတွက် အသုံးတည့်မယ်လို့ထင်ပါတယ်။

လေ့လာမှတ်သားစရာ အိမ်ခြံမြေဆောင်းပါးများ

ရေခဲသေတ္တာထဲကို လုံးဝမထည့်ထားသင့်သည့် ပစ္စည်း (၁၀) မျိုး

အစားအသောက်တင်မကပဲ ရေခဲသေတ္တာထဲ ထည့်သိမ်းထားနိုင်တဲ့ အိမ်သုံးပစ္စည်းများ

အိမ်တိုင်း၊ဆိုင်တိုင်း အသုံးပြုနေတဲ့ရေခဲသေတ္တာထဲ သိမ်းမထားသင့်တဲ့ အစားအစာခုနစ်မျိုး

ရေခဲသေတ္တာနံဘေးနဲ့ ရေခဲသေတ္တာပေါ်မှာ ဘယ်လိုပစ္စည်းတွေ မထားသင့်ဘူးလဲ

Credit : Ni Ni Naing

Photo Credit : Nytimes

Posted By : Sint Sint (ShweProperty.com)

Recommended

Get daily fresh news delivered to your inbox

By subscibing you agree to our privacy policy